Laboratorio NUMAX

Poñendo atención ao detalle en cada fase, procuramos que o resultado dos nosos traballos sexa funcional e diferente a un tempo.

O Laboratorio traballa a comunicación visual de xeito global, dende a produción gráfica ata a contorna dixital, incluíndo deseño e desenvolvemento web.

A área de vídeo está fortemente vinculada ao cinema e abrangue desde a edición de longametraxes até a corrección de cor e o masterizado final das copias de exhibición. Así mesmo, realiza de maneira integral todo tipo de pezas audiovisuais e ofrece apoio técnico a numerosos festivais do sector.

Se queres que che axudemos coa túa idea contacta con nós e farémosche unha proposta a medida, integrando todos os servizos que precises para un resultado óptimo.

Somos Axente Dixitalizador do Kit Dixital, o programa de axudas impulsado polo Ministerio de Asuntos Económicos y Transformación Digital e financiado pola Unión Europea (fondos Next Generation EU) que ten como finalidade facilitar a dixitalización de pymes e autónomos. Consulta máis información sobre ńos como Axente Dixitalizador.